Një plagosje me armë zjarri ka ndodhur në një hotel në autostradën Tiranë-Durrës. Policia bën me dije se një 32-vjeçar ka qëlluar me pistoletë një 23-vjeçare në ambientet e një hoteli dhe më pas është arratisur.
Ende nuk dihen rrethanat të të cilat ka ndodhur plagosja, por aktualisht 23-vjeçarja ndodhet në spital jashtë rrezikut për jetën.
Njoftimi i policisë
Durrës- Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi F.D, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën.
Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
