Gazetari Besmir Pula në një raportim për Mcn Live ka zbardhur të tjera detaje lidhur me tritolin vendosur mëngjesin e sotëm në një lokal në Rrugën e Durrësit në Tiranë. Nga hetimet e deritanishme dyshohet se ngjarja lidhet me aktivitetet e pazarit të drogës, që pronari i lokalit Arbër Sinani mund të ketë në Gjermani. Duke marrë parasysh sasinë e vogël të tritolit, dyshohet se kemi të bëjmë me një paralajmërim ndaj pronarit të lokalit.
“Jemi vendosur në Rrugën e Durrësit, aty ku në orët e para të mëngjesit të kësaj të premte një sasi tritoli është vendosur në lokalin pas krahëve të mi. Ngjarja ka ndodhur rreth orës 3:45 të mëngjesit. Nga hetimet e deritanishme të Komisariatit nr.3 ka dyshime se gjithçka mund të lidhet me pazaret e drogës që pronari i lokalit kishte në shtetin shtetin gjerman. Mcn Tv mëson se bëhet fjalë për lokalin e shtetasit Arbër Sinani, i cili nuk ka precedent penal në Shqipëri, por dyshohet se në Gjermani ka kryer aktivitet kriminal në fushën e narkotikëve dhe kjo mund të ketë sjellë përplasje si një formë hakmarrje. Grupi hetimor ka sekuestruar një sërë kamerash të zonës për zbardhjen e ngjarjes. Vetëm dëme materiale ka në pjesën e jashtme. Ngjarja ka ngjallur panik te banorët e zonës, që janë befasuar nga ky shpërthim. Duke patur parasysh që është vendosur një sasi e vogël tritoli, ka dyshime se kemi të bëjmë me paralajmërim”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
