Ukraina ka humbur aksesin në imazhet satelitore amerikane pasi kompania amerikane e teknologjisë hapësinore Maxar bllokoi përdorimin e shërbimeve të saj nga Kievi, raportoi të premten një media lokale.
Masa vjen pas vendimit të fundit të Uashingtonit për të ngrirë ndihmën ushtarake dhe shkëmbimin e inteligjencës me Ukrainën.
Media ukrainase Militarnyi ka pohuar se disa përdorues anonimë të Maxar kanë konfirmuar se atyre iu është mohuar qasja në shërbim. Kompania thuhet se ka shpjeguar se kufizimi ishte futur "në përgjigje të një kërkese administrative".
Kjo lëvizje lidhet me urdhrin e Presidentit të SHBA Donald Trump për të ndërprerë të gjitha shkëmbimet e inteligjencës me Ukrainën.
Maxar, sipas Militarnyi, ka qenë një nga ofruesit kryesorë të imazheve satelitore komerciale me rezolucion të lartë për forcat e armatosura të Ukrainës që e përdorën atë për të gjurmuar lëvizjet e trupave ruse, për të vlerësuar kushtet e fushëbetejës dhe për dëmtimin e infrastrukturës kryesore.
Kompania amerikane nuk e ka konfirmuar ende kufizimin e supozuar të shërbimeve.
Raporti vjen pasi Uashingtoni ka ndaluar dërgimin e miliarda dollarëve të ndihmës ushtarake për Ukrainën, ndërsa CIA ka konfirmuar se shkëmbimi i inteligjencës me Kievin është pezulluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
