Kreu i Spotify ka mohuar pretendimet se përdoruesit mund të dëgjojnë në mënyrë të përsëritur këngën e tyre të ngarkuar 30 sekonda për të grumbulluar honorare mujore.
Analistët e financave në JP Morgan kishin thënë se abonentët e Spotify mund të fitonin 1200 dollarë (960 £) në muaj duke dëgjuar këngën e tyre në mënyrë të përsëritur, 24 orë në ditë.
Pretendimi sugjeroi se struktura e pagesës së honorareve të Spotify mund të manipulohej. Por Daniel Ek, CEO i gjigantit të transmetimit, thotë se nuk funksionojnë kështu honoraret e platformës.
Teoria u raportua fillimisht në Financial Times, dhe më pas u postua në Twitter nga Julian Klymochko, themeluesi i Accelerate, një kompani investimesh me bazë kanadeze.
"Nëse kjo do të ishte e vërtetë, lista ime për luajtje do të ishte thjesht 'Daniel's 30-second Jam' në përsëritje! Por seriozisht, nuk funksionon kështu sistemi ynë i honorarëve", u përgjigj në Twitter Z. Ek
Sipas faqes së internetit të Spotify, ajo ka dy nivele honorare dhe artistët paguhen një herë në muaj, por sa marrin mund të ndryshojë.
"Ndryshe nga sa mund të keni dëgjuar, Spotify nuk paguan honorare për artistët sipas një tarife për luajtje ose për transmetim," thotë faqja e internetit.
"Pagesat e honorarëve që marrin artistët mund të ndryshojnë sipas dallimeve në mënyrën se si transmetohet muzika e tyre ose marrëveshjeve që ata kanë me etiketat ose shpërndarësit."
Universal Music Group dhe Deezer njoftuan së fundmi se do të lançojnë së bashku një model të transmetimit muzikor që synon të gjenerojë honorare më të mëdha për artistët, që do të thotë se ata do të paguhen më shumë nëse përdoruesit zgjedhin në mënyrë aktive të dëgjojnë muzikën e tyre.
Kjo mund të nënkuptojë se Spotify dhe shërbimet e tjera të transmetimit si Apple Music, do të detyrohen të rregullojnë modelet e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
