"Është e pakuptueshme dhe e papranueshme për mua, që shumica e popullatës në Serbi ende mendojnë, që Rusia u ofron ndihmë më të madhe finaciare“, tha në Berlin ministri i Punëve të Jashtme, Sigmar Gabriel.
"Problemet kryesore të Ballkanit e kanë origjinën në vendet përkatëse: reformat e vonuara, korrupsioni, stanjacioni ekonomik, dhe paqëndrueshmëria politike", tha Gabriel gjatë një konference të organizuar nga instituti ASPEN në Berlin.
Ai theksoi se ndihmat që i ofrohen rajonit të Ballkanit nga Bashkimi Europian duhen të kenë më shumë rezultate. "Është e pakuptueshme dhe e papranueshme për mua që shumica e popullsisë në Serbi ende mendojnë që Rusia u ofron ndihmë më të madhe financiare."
"Unë nuk e kuptoj që, për shembull, që nga rruga e aeroportit për në qendër të Beogradit shoh reklama të mëdha dedikuar marrëdhënieve ruso-serbe, ndërsa nuk shihet e njëjta gjë për bashkëpunimin me BE-në".
Projekte infrastrukturore me simbolikë
Ai theksoi po ashtu edhe planet konkrete për rritjen e bashkëpunimit në rajonin e Ballkanit duke thënë: "Ne duhet t'i përshpejtojmë projektet e mëdha infrastrukturore që janë ekonomikisht të domosdoshme dhe përmbajnë një simbolikë të fortë – si për shembull autostrada ndërmjet Serbisë, Kosovës dhe Shqipërisë". / DW /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
