<p>Ledion Krisafi, ekspert i çështjeve ndërkombëtare, thotë se nën presidentin Trump, Amerika po përpiqet të rikthejë një rend botëror krejt të ndryshëm, atë ku i forti fiton dhe u imponohet të tjerëve.</p> <blockquote> <p><em>SHBA janë superfuqia më e madhe në botë, përbëjnë 25% të ekonomisë botërore. Këtë politikë nuk mund ta bëjë shteti që ka bërë rendin botëror dhe ka përfituar më shumë prej saj. Marrëveshja e mineraleve është iluzive. Qëllimi është të dilet para publikut amerikan dhe për t’u thënë që ne paratë që kemi hedhur në Ukrainë po i marrim. </em></p> </blockquote> <p>Krisafi tha në studion e MCN Informacion se administrata Trump ka përballë njerëz të stërvitur në diplomaci dhe këtë Rusia po përpiqet ta shfrytëzojë për qëllimet e veta.</p> <blockquote> <p><em>Trump e do paqen në Ukrainë me çdo kusht. Nga ana tjetër, këtë do edhe Zelenksy. Por ai e do me disa kushte. Kjo administratë nuk kuptojnë se kë kanë përballë. Kanë njerëz që e njohin shumë mirë politikën e jashtme. Lojën për momentin po e luan Rusia më mirë se administrata amerikane. Po i japin Trump-it atë që ai do të dëgjojë. Dhe kjo është mënyra si ata mund të arrijnë objektivat e tyre. Mënyra si përpiqen të bëhen negociatat ka çuditur shumë diplomatë. </em></p> </blockquote> <blockquote> <p><em>Putin po e luan lojën më mirë se Trump. Amerika ka përballë Rusi-Iran-Kinë-Kore e Veriut. Trump po vë një bast për të hequr Rusinë nga kjo aleancë. Por Rusia del më e fortë nëse del nga kjo aleancë. Lojën për momentin, Putin po e luan më mirë se Trump. </em></p> </blockquote> <p>Nga ana tjetër, sipas Krisafit, sfidë mbetet edhe përçarja e Bashkimit Europian.</p> <blockquote> <p><em>Europa ka një përçarje të madhe. Janë 27 shtete. Ka një përçarje shumë të madhe brenda shteteve. Gjermania nuk është duke e bërë punën e saj. Për Europën është shumë e rëndësishme si do të jetë marrëveshja e paqes në Ukrainë. Në Rusi nuk ka për të ndryshuar gjë, Putin do të përpiqet të marrë nga Ukraina.</em></p> </blockquote> <iframe width="560" height="315" src="https://www.youtube.com/embed/hIz1YRH8FDc?si=P8AQ0oQaxeaL_9JX" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
