Anaid Kaloti: Tik-Tok është i “frikshëm”, Instagrami më edukativ, mundohet të të nxjerrë nga “kutia”

Ndikuesi dhe sipërmarrësi Anaid Kaloti i ftuar në emisionin “Bilardo” nga Denis Dyrnjaja në MCN, lidhur me rrjetet sociale, u shpreh se algoritmi i Tik-Tok është “i frikshëm” krahasuar me Instagram.

Në fjalën e tij, Kaloti shpjegoj se teksa Tik-Tok të promovon dhe të ushqen me materiale që të të mbajë më gjatë në aplikacion, Instagram është më edukativ dhe mundohet të të “nxjerrë nga kutia” duke të promovuar dhe gjëra të tjera përveç atyre që t’i pëlqen.

“Tik-Tok është pak i “dhunshëm”, personalisht nuk kam Tik-Tok e kam fshirë. Ka një manipulim shumë të frikshëm si algoritëm, të studion shumë shpejtë profilin dhe të ushqen gjatë gjithë kohës me atë lloj informacioni. Ndryshe nga Instagrami i cili është pak më i përgjithshëm dhe mundohet të të nxjerrë nga “kutia” jote. Instagrami ka një algoritëm më të mirë, më edukativ. Unë nuk jam shumë pro edukimit nga teknologjia, por nga libri. Ajo që ka Tik-Tok, nuk ndodh nëpër lagje.”