Pilotja 21-vjeçare humb jetën pasi u pickua nga një mushkonjë

Një pilote praktikante 21-vjeçare nga Britania e Madhe vdiq pasi u pickua nga një mushkonjë në ballë, sipas një ekspertize.

Oriana Pepper nga Bury St Edmunds në Suffolk kishte një infeksion që u përhap në trurin e saj.

Pepper ishte në rrugën e saj për t'u bërë një pilote e linjës ajrore komerciale dhe kishte kaluar provimet e saj teorike në programin EasyJet në Oksford. Ajo kishte udhëtuar në Belgjikë për vlerësime.

Pepper u pickua nga një mushkonjë në ballë dhe u shtrua në spital më 7 korrik të vitit të kaluar kur infeksioni u përhap.

Mjekët rekomanduan antibiotikë të cilët nuk ndihmuan.

Dy ditë më vonë, ajo ra pa ndjenja dhe u dërgua me urgjencë në spital ku vdiq më 21 korrik të vitit të kaluar.

Mjeku ligjor i Suffolk, Nigel Parsley tha të mërkurën se pilotja praktikante vdiq "si rezultat i një infeksioni serioz të shkaktuar nga një pickim insekti në ballë".

“Një infeksion që ka hyrë në lëkurën e Orianës pas një pickimi nga një insekt. Më pas është futur në arterien karotide të qafës dhe ka çuar në emboli septike në trurin e saj. Unë kurrë nuk kam parë një rast si ky më parë," tha mjeku ligjor.

“Është vetëm një nga ato gjëra që është një tragjedi kaq fatkeqe për një vajzë të re, e cila padyshim kishte një karrierë dhe jetë të mrekullueshme përpara saj.”