Zjarri në Parkun Kombëtar të Prespës rrezikon banesat, ka shkrumbuar 6 hektarë pyje

Një vatër zjarri që ka përshirë një masiv pyjor pranë fshatit Cerje në bashkinë e Pustecit përveç zonës pyjore po rrezikon edhe banesat.

Fshati ndodhet në kufi me Greqinë, ndërsa sipas të dhënave zjarri është aktivizuar paraditen e kësaj të hëne.

Deri tani nga flakët janë përshirë mbi 10 hektarë sipërfaqe pyjore, 6 prej të cilave të djegura plotësisht.

Kryetari i bashkisë Pustec Pali Kolefski thotë se puna ka vijuar për gjatë gjithë ditës, ndërsa shton se janë marrë masat për evakuimin e banorëve të këtij fshati në rast se zjarri do të afrohet.

Në aksion për fikjen e zjarrit janë angazhuar forcat zjarrfikëse të Pustecit, Devollit, punonjës të ADZM ndërsa në ndihmë për fikjen e zjarrit kanë ardhur edhe forcat zjarrfikëse greke të cilët krahas ndërhyrjes nga toka, po asistojnë edhe nga ajri me aeroplanë dhe helikopterë.