Një gjykatë në Stamboll urdhëroi të shtunën arrestimin e një gazetari turk për postimet e tij në mediat sociale lidhur me prokurorët të cilët hetonin një kryebashkiak nga Partia Popullore Republikane (CHP) partia kryesore e opozitës në Turqi, deklaroi avokati i tij.
Furkan Karabay, një reporter i uebsajtit të lajmeve 10Haber, u ndalua të premten pasi shkroi në X emrat e prokurorëve që po kryenin një hetim ndaj kryebashkiakut.
Ahmet Ozer, kryetari i qarkut Esenyurt të Stambollit, u arrestua më 30 tetor pasi prokurorët e akuzuan për lidhje me Partinë e Punëtorëve të Kurdistanit (PKK), e ndaluar si një grup terrorist në Turqi.
Në orët e vona të së shtunës, gjykata urdhëroi arrestimin e Karabay në pritje të gjyqit, duke deklaruar se postimet e tij në mediat sociale “kishin synim zyrtarët publikë të përfshirë në luftën kundër terrorizmit”, tregoi një dokument gjyqësor i parë nga Reuters.
Në deklaratën e tij në gjykatë, Karabay mohoi akuzën, duke thënë se emrat e prokurorëve u raportuan nga një sërë mediash dhe vetë kreu i CHP-së Ozgur Ozel përmendi emrin e prokurorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
