Një 50-vjeçare është gjetur e pajetë mëngjesin e sotëm në shtëpinë e saj, në lagjen Sheq i Madh në Fier.
Sipas policisë, viktima është shtetasja Valdete Nanaj, ndërsa u gjet nga bashkëshorti i saj. Ka qenë vëllai i këtij të fundit që ka lajmëruar policinë, ndërsa nga këqyrja paraprake në vendin e ngjarjes dyshohet që 50-vjeçarja të ketë kryer vetëvrasje.
Akti i rëndë, sipas burimeve dyshohet të jetë kryer rreth orës 05:00 të mëngjesit, ndërsa u gjet e pajetë pak orë më vonë. Në polici është shoqëruar bashkëshorti i viktimës, i cili ka deklaruar problemet që mund të ketë patur gruaja e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
