Del nga burgu "Gjarpri", vrasësi serial që urrente hipitë

Ndoshta i shtyrë nga një urrejtje e thellë për hipitë, të cilët i konsideronte thjesht djemtë e privilegjuar të baballarëve në kërkim të emocioneve të forta, ndoshta sepse mund të ketë qenë thjesht një psikopat, Hotchand Bhawnani Gurumukh Charles Sobhraj, i njohur me nofkën Gjarpri, kreu të paktën 20 vrasje në rininë e tij. Në vitet shtatëdhjetë, në të ashtuquajturën "hippy path", rrugën që të çon nga Perëndimi në Lindje, duke kaluar nga Turqia dhe Irani deri në Tajlandë, shumë të rinj morën guximin në kërkim të "paqes dhe lirisë", por disa prej tyre nuk ia dolën.

Tashmë 78 vjeç, Gjarpri është rikthyer në liri për arsye shëndetësore. Ai mbahej në një burg të sigurisë maksimale në Nepal, të cilin ai mundi ta linte herët për t'u kthyer në Francë. Ai po vuante dënimin më të fundit nga shumë të tillë: 19 vjet për vrasjen e dyfishtë të një çifti turistësh në Katmandu në 1975.

Sneer Charles Sobhraja lindi në Saigon në vitin 1944, por u rrit në Francë, ku aftësia e tij për t'i shpëtuar kapjes është kthyer në legjendë. Aq sa ka frymëzuar një serial të famshëm televiziv në Netflix me titull, pikërisht, "Gjarpri". Fytyrën në film, vrasësit ia jep, me ngjashmëri të habitshme, aktori Tahar Rahim.

Djali i një rrobaqepësi indian me bazë në Saigon (nën kontrollin francez në 1944) dhe një shitëseje vietnameze, ai u rrit me partnerin e ri të nënës së tij, një toger i ushtrisë franceze të vendosur në Vietnam, i cili e adopton duke e lejuar të fitojë shtetësinë franceze. Duke ndjekur babain e tij birësues, ai u zhvendos në Indokinë, ku në vitin 1963 merr dënimin e tij të parë për vjedhje. Ai kthehet për herë të parë në Francë në vitin 1997. Dhe pikërisht në ato vite shpërtheu “miti i tij kriminal”, i ushqyer nga disa intervista të dhëna në gazeta. Në vitin 2003 Sobhraj u kthye në Azi, por duhej të pajtohej me të kaluarën e tij. I identifikuar, ai arrestohet dhe dënohet për vrasjen e turistëve, një kanadez dhe një amerikan, ngjarje e ndodhur 28 vjet më parë në Katmandu.

Një tjetër pseudonim që i është atribuar me kalimin e kohës është edhe “bikini killer”, ndoshta për shkak të veshjeve që mbanin shumë prej viktimave të tij, kryesisht femra. Legjendare është aftësia për të goditur dhe më pas për të zhdukur të gjitha gjurmët, "duke rrëshqitur si gjarpër", thotë dikush.

Ai u afrohej viktimave me zgjuarsi falë sjelljes së tij të këndshme dhe lehtësisë së madhe në të folurit e gjuhëve të ndryshme. Ai u shtir si biznesmen, përpara se të zbulonte identitetin e tij të vërtetë: ai i drogonte viktimat dhe më pas i vriste. Shumë shpesh duke i mbytur me duar dhe duke djegur kufomat për të fshehur të gjitha gjurmët.

Nuk dihet saktësisht se sa njerëz ka vrarë në karrierën e tij të gjatë kriminale dhe për sa kohë ka vazhduar të vrasë. E sigurt është se para dënimit që vuante në Nepal, ai kishte kaluar njëzet vjet të jetës së tij në një burg indian, pasi akuzohej se kishte helmuar disa turistë francezë në një autobus. Gjatë periudhës së gjatë të paraburgimit ai u bë edhe protagonist i një arratisjeje misterioze dhe të shkurtër nga burgu. Thuhet se ai ka arritur të arratiset pasi i ka dhënë pilula gjumi gardianëve të burgut.