Policia Rrugore ka ndërmarë një operacion në 12 qarqet e vendit, në akset kryesore dhe zonat urbane, për qëllim vendosjen e rripit të sigurimit dhe mos përdorimin e celularit gjatë drejtimit të mjetit.
"Blici Rrugor" i zhvilluar ditën e sotme, nisi në orën 14:00 dhe zgjati deri në orën 15:00, në të cilin u angazhuan rreth 680 punonjës Policie në total.
Po ashtu në të gjithë vendin u ngritën dhe funksionuan 154 pika kontrolli në të gjithë vendin, të cilat vendosën:
189 masa administrative për mosvendosje të rripit të sigurimit.
145 masa administrative për përdorim të celularit gjatë drejtimit të mjetit.
Si dhe 164 masa administrative për shkelje të tjera, si shpejtësi tej normave të lejuara, për mosvendosje të kaskës mbrojtëse etj.
Operacioni ka për qëllim rritjen e parametrave të sigurisë rrugore, ndërgjegjësimin e qytetarëve për rëndësinë e vendosjes së rripit të sigurimit, për mos përdorimin e celularit gjatë drejtimit të mjetit por edhe të respektimit të rregullave të qarkullimit rrugor në tërësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
