Një sulm islamik në shtetin Borno të Nigerisë Verilindore, shkaktoi të paktën tre viktima. Sipas terroristëve, janë vrarë tetë ushtarë, megjithatë ende nuk ka një informacion krejtësisht të saktë.
Sipas burimeve, një makinë bombë është përdorur në sulm dhe shpërthimi i saj ka shkatërruar shtëpitë e afërta. Një numër i pacaktuar civilësh u plagosën në kampin pranë vendngjarjes. Kampi pret njerëz të ikur nga shtëpitë e tyre gjatë kryengritjes islamike të Boko Haram, një organizatë terroriste e lidhur me ISIS. Ushtria nigeriane nuk ka bërë ende asnjë koment, por organizata e Boko Haram ka marrë përgjegjësinë për sulmin, duke deklaruar se luftëtarët e saj vranë tetë ushtarë. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
