Kërkesa e Gruevskit: Më 15 tetor të mbahen zgjedhjet lokale dhe parlamentare në Maqedoni

Kryetari i VMRO-DPMNE-së Nikolla Gruevski sërish ka kërkuar që së bashku me zgjedhjet lokale të mbahen edhe ato parlamentare në datën 15 tetor.

Ai ka thënë se është i bindur se në ato zgjedhje do të fitojë VMRO-DPMNE.

“Përfaqësuesit e partive politike janë dakorduar që zgjedhjet lokale të mbahen më 15 tetor. Shpresoj që kësaj radhe LSDM nuk do të ndryshojë sikurse ka ditur të bëjë shpesh herë në të kaluarën. Kur do të shohin se do të humbin kërkojnë alibi. Shpresoj që edhe njëherë do të mendojnë që së bashku me këto zgjedhje lokale të mbahen edhe ato parlamentare, ku do të jepet mundësia qytetarëve të tregojnë qëndrimin e tyre për gjithë atë që kanë bërë LSDM dhe VMRO në periudhën pas zgjedhjeve”, ka thënë Gruevski.