Një i ri në Lushnjë i cili porositi një vrasje të mbetur në tentativë për motive gjakmarrjeje, është dënuar me 25 vite burg.
Efektivët e policisë Fier ekzekutuan vendimin e Gjykatës së Fierit, e cila e dënoi me 25 vite burg, për veprën penale “Vrasja në rrethana cilësuese”, e mbetur në tentativë, shtetasin Laert Hasalla, 34 vjeç, banues në fshatin Garunjas, Lushnjë.
34-vjeçari ndodhej nën masën e sigurisë “Arrest në shtëpi”, pasi dyshohej se kishte porositur vrasjen e shtetasit Marius Hasalla, në vitin 2023.
Nga hetimet rezultoi se Laert Hasalla kishte paguar shtetasin Mariglen Matjanin, 31 vjeç, aktualisht i dënuar, i cili ka qëlluar me armë zjarri në drejtim të një automjeti, me qëllim vrasjen e shtetasit Marjus Hasalla.
Si pasojë e të shtënave, mbeti e plagosur shtetasja Bajame Sejena, e cila udhëtonte në të njëjtin automjet me shtetasin Marjus Hasalla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
