Në qytetin port të Mariupol, i rrethuar nga forcat e armatosura ruse, është shpallur armëpushimi i përkohshëm, teksa është njoftuar se do të nisin evakuimin e civilëve duke filluar nga ora 10:00 me orën lokale dhe orën 11:00 me orën tonë.
"Ne kërkojmë nga njerëzit në Mariupol që të drejtohen për në strehimore, do të ketë më shumë informacion mbi evakuimin sa më shpejt të jetë e mundur," thuhet në një deklaratë.
Mariupol, një qytet port me rreth 400,000 banorë, është një objektiv kryesor strategjik për Rusinë, sepse kapja e tij do të lejonte forcat separatiste të mbështetura nga Rusia në Ukrainën lindore të bashkojnë forcat me trupat në Krime, gadishulli jugor i aneksuar nga Rusia në 2014.
Rusia nuk ka komentuar mbi bombardimet, por ministria e saj e mbrojtjes tha se civilët nuk kishin përdorur rrugët e arratisjes nga Mariupol dhe Volnovakha dhe akuzoi autoritetet ukrainase për pengimin e njerëzve që të largoheshin, tha media shtetërore ruse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
