Ndërsa negociatat mes rusëve dhe ukrainasve për një zgjidhje të luftës në Ukrainë mbaheshin në Stamboll, Presidenti ukrainas Volodymyr Zelensky u shfaq në një video-konferencë në parlamentin danez.
Ashtu si me ndërhyrjet e tjera në parlamentet e vendeve aleate në ditët e fundit, Zelensky kërkoi ndihmë për popullin dhe vendin e tij, duke dhënë detaje të tmerrshme të luftës.
Moska po deporton civilë në Rusi, mbi 2000 kanë mbërritur tashmë. Ndërkohë ushtarët e saj po përdhunojnë gra dhe vajza, përfshirë të mitura. Nga bombardimi i mëngjesit të sotëm në Mykolaiv, të paktën 7 persona vdiqën dhe 22 u plagosën në. Sulmi rus vazhdon, por besoj dhe jam i bindur se do të jemi në gjendje paqeje.
Më tej, ai përsëriti nevojën për të forcuar sanksionet kundër Rusisë dhe për të bllokuar portet dhe tregtinë e Federatës Ruse.
Zelensky u shpreh kundër atyre që në Europë, nuk po bëjnë asgjë për paqen.
Ne e dimë se kush në Bashkimin Europian nuk po bën asgjë për të sjellë paqen. Europa duhet të ndalojë së dëgjuari çdo justifikim që bën Rusia kundër Ukrainës. Ne duhet të sigurojmë që Rusia të kërkojë paqe dhe ne duhet të rindërtojmë vlerat bazë të shkelura nga Rusia në Ukrainë. Ju e dini se sa e rëndësishme është të funksionojë solidariteti me Ukrainën dhe kundër Rusisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
