Netanyahu: Nuk ka armëpushim. Qëllimi i Hamasit është të shkatërrojë të ardhmen tonë

“Qëllimi i Hamasit është të shkatërrojë të ardhmen tonë”. Kështu tha Kryeministri izraelit Benjamin Netanyahu në një konferencë për shtyp.

Nuk do të ketë armëpushim. Kjo do të thotë që Izraeli i dorëzohet terrorizmit dhe nuk do të ndodhë.

Çdo vend i civilizuar duhet të qëndrojë me Izraelin dhe të kërkojë lirimin e pengjeve nga Hamasi pa kushte.

Dhe për mundësinë që Netanyahu të japë dorëheqjen, në një moment kaq të vështirë, ai vetë sqaron: “E vetmja gjë që dua që të japë dorëheqjen është Hamasi”. 

Ka një kohë për paqe dhe një kohë për luftë. Tani është koha për luftë. Izraeli është gati të luftojë.

Ne nuk e donim këtë luftë, por do ta bëjmë atë deri në fitore.

Fjalët e tij vijnë në fund të një dite të shënuar me tensione, pasi Hamasi publikoi në rrjetet sociale videon e tre grave izraelite të mbajtura peng në Gaza.

Dhe pikërisht për pengjet, Kryeministri izraelit nënvizoi:

Unë i kuptoj shqetësimet e familjeve të pengjeve, por vlerësimi i përbashkët është se një operacion tokësor mund të krijojë mundësinë e lirimit të pengjeve.

Operacioni tokësor rritet dhe krijon më shumë presion”.