Bashkëshorti i kryetares së Dhomës së Përfaqësuesve në SHBA, Nancy Pelosi, Paul Pelosi, u dërgua në spital gjatë së premtes pasi një person i panjohur hyri në shtëpinë e çiftit në San Francisko dhe dyshohet se e qëlloi me çekiç.
Zëdhënësi i Nancy Pelosit, Drew Hamill, tha në një deklaratë se Paul Pelosi, 82 vjeç, “u sulmua dhunshëm”.
Agresori ndodhet në paraburgim dhe motivi i sulmit është duke u hetuar.
CNN, duke cituar burime nga policia, raportoi se i dyshuari ka përdorur një çekiç për të kryer sulmin. Nancy Pelosi, gjithashtu 82 vjeç, ndodhej në Uashington gjatë ngjarjes.
Gjithashtu, një zëdhënës i policisë së San Franciskos tha në një deklaratë për mediat, se sulmi ndodhi rreth orës 02:30 të mëngjesit me orën lokale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
