Drejtori i Zyrës për Kosovë e Metohi, Marko Gjuriç, ka thënë se Hashim Thaçi është duke kërcënuar në mënyrë drejtëpërdrejtë me armë dhe në këtë mënyrë po ndjell luftë, konflikte dhe urrejtje.
Sipas Gjuriç, Thaçi as nuk po e fsheh më se qellim kryesor i veprimit të tij politik, si më herët, si tani, është krijimi i ashtuquajturës "Shqipëria e Madhe".
"Veprimi i tij destruktiv përbën një kërcënim të drejtpërdrejtë për të gjithë rajonin, por edhe për Europën", tha Gjuriç, raporton B92.
Gjuriç, në këtë mënyrë, ka reaguar ndaj deklaratës së Presidentit të Kosovës Hashim Thaçi, i cili ka thënë se Kosova kërcënimeve të Serbisë u përgjigjet, si 19 vjet më parë, me pushkë.
"Serbia nuk dëshiron luftë, ne duam paqe, zhvillim ekonomik, funksionimin e lirë dhe lëvizjen e njerëzve dhe ekonominë, por jo luftën, tregimet rreth armëve si një mjet veprimi politik po ia lëmë të kaluarëa, e cila i takon vetë Thaçit", tha Gjuriç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
