Brazil, 4 qytete thyejnë rekordin për temperaturat më të larta të vitit

Katër qytete braziliane thyen dje rekordin për temperaturën më të lartë të vitit, sipas Institutit Kombëtar të Meteorologjisë.

Qytetet në fjalë ku u regjistruan këto temperatura ishin Curitiba (33.1 gradë), Sao Paulo (36.5 gradë), Belo Horizonte (37.1 gradë ) dhe Rio de Zhaneiro (39.9 gradë).

Në Cuiabá pasditen e djeshme termometrat arritën në 40.1 gradë, ndërsa në Teresina arritën në 39 gradë.  

Të shtunën, Instituti Kombëtar i Meteirologjisë lëshoi një alarm të kuq për një valë të nxehti në zona të 10 qyteteve, si dhe në Distriktin Federal të Brasilias.

Paralajmërimi i institutit parashikon se temperatura do të qëndrojë 5 gradë mbi mesataren për një periudhë më shumë se pesë ditë, gjë që përbën rrezik për shëndetin.