Presidenti rus Vladimir Putin u ka thënë si Presidentit Trump ashtu edhe zyrtarëve iranianë se ai mbështet idenë e një marrëveshjeje bërthamore në të cilën Irani nuk mund të pasurojë uranium, thanë burime të njohura me çështjen për Axios.
Rusia, ka qenë mbështetësja kryesore diplomatike e Iranit në çështjen bërthamore për vite me radhë. Por, ndërsa Moska mbështet publikisht të drejtën e Iranit për pasurim, Putin thuhet se ka marrë një qëndrim më të ashpër pas luftës 12-ditore midis Izraelit dhe Iranit.
Sipas tre zyrtarëve evropianë dhe një zyrtari izraelit, Putini i ka shprehur mbështetjen e tij për një marrëveshje me pasurim zero si Presidentit të SHBA-së Donald Trump ashtu edhe zyrtarëve iranianë.
Një nga burimet tha se Moska ia komunikoi qëndrimin e saj Jeruzalemit. "E dimë që kjo është ajo që Putini u tha iranianëve", tha një zyrtar i lartë izraelit për Axios, raporton “Jerusalem Post”.
Putini gjithashtu ia shprehu qëndrimin e tij Trumpit dhe Presidentit francez Emmanuel Macron në dy telefonata të ndara.
"Putini do të mbështeste pasurimin zero. Ai i inkurajoi iranianët të angazhoheshin në këtë për t'i bërë negociatat me amerikanët më të favorshme. Iranianët kanë thënë se nuk do ta marrin në konsideratë", tha një zyrtar evropian me njohuri të drejtpërdrejtë të bisedimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
