Gazetari Sokol Bregu në emisionin "Të Paekspozuarit" në MCN TV, ka folur lidhur me krimin e organizuar shqiptarë në botë, veçanërisht kriminelët shqiptarë në Britaninë e Madhe, ku ka një numër të lartë të të burgosurve shqiptarë, duke u renditur të parët mes popullsive të huaja.
Sipas Bregut në hierarkinë e krimit, shqiptarët nuk janë në nivelet më të larta.
Qasja ime niset nga mënyra statistikore e të parit të gjërave. Kudo thuhet se ne vendosim në tregjet botërore të drogës. Asnjë shqiptar nuk është në një mijë më të kërkuarit të FBI-së. As në një mijë të kërkuarit e DEA. Asnjë shqiptar nuk është as në një mijë të kërkuarit e policisë angleze. Ata që kërkohen janë kryesisht te trafiqet.
Po sjell një fakt, BBC, përveçse në një rast ku e quan armik publik një shqiptar, i cili pa shkuar në Ekuador ishte në MB dhe ishte një shqetësim, Dritan Rexhepi, po të futesh në mediat më prestigjioze, është personazh që nuk ka lidhje me krimin e organizuar shqiptar tipikisht, është person që ka mundësi të bëhet në çdo moment një anëtar i krimit të organizuar kudo që banon.
U largua nga MB në momentin që BBC nxori foton e tij dhe i bënë thirrje komunitetit që është person me rrezikshmëri shumë të lartë shoqërore. Ne mund të kemi sot me qindra dhe me mijëra shqiptarë të tjerë në Londër, foto e të cilit nuk është bërë ndonjëherë armik publik në këtë vend. Vetëm ai konsiderohet. Nisur nga ky fakt, duke parë edhe aktivitetin e tij jo vetëm të rëndë dhe të dhunshëm.
Duhet ti shohim me sy tjetër. Pjesa më e madhe e doganierëve të mbretëreshës, janë të korruptuar nga shqiptarët. Pjesa më e madhe në Birmingham, atje ku ndodh, po policët e korruptuar, janë të korruptuar dhe jo të inkriminuar. Korrupsion do të thotë, në mos e bën një shqiptar e bën një maroken apo hiatin.
Nuk jemi ne ata që na paraqesin mediat, në majën e krimit. Nuk po flas fare për mediat, por për raportet e agjencive të specializuara. Në mënyrën e vet, siç punojnë shqiptarët kanë atë që e quajnë skllevër modernë, ne përllogaritemi në Britaninë e Madhe, diku te 110 mijë me pasaporte, të tjerë me azil. Diku te 300 mijë shqiptarë ndodhen sot në Britaninë e Madhe. Është një shifër shumë e madhe, për të patur një histori të tillë.
Dyfishi i këtyre që ndodhen në Angli, janë sot në Greqi. Por, në Greqi është absolutisht e justifikueshme statistika për shkak të numrit të lartë të shqiptarëve që ndodhen atje. Mos harro në dekadën e fundit, ata që duan të merren me krim janë vendosur të shkojnë në Angli, është parajsa e tyre për momentin.
Në mënyrën si e shoh unë, shqiptarët po bien, sepse ka përballje të madhe mes grupeve shqiptare të trafikut të drogës në Londër dhe Birmingham dhe grupeve të njerëzve me ngjyrë që cilët po i sulmojnë. Sot nuk gjen më, po luten, edhe shkrimet e The Sun, janë në kuadrin e joshjes së të rinjve shqiptarë, pavarësisht se janë të paguara, sepse kanë mbetur shtëpitë e barit bosh. Kjo është arsyeja pse u ul edhe trafiku klandestin drejt Londrës. Nuk është arsyeja që vajti Rama tre herë aty.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
