Ministri i Jashtëm ukrainas, Dmytro Kuleba komenton deklaratat e homologut rus, Sergei Lavrov i cili tha dje se “Hitleri ka gjak hebre”.
Komentet fyese ndaj Zelensky, Izraelit dhe popullit hebre shpërblen antisemitizmin e rrënjosur të elitave ruse. Deklaratat e tij mizore janë ofenduese për Presidentin Zelensky, Ukrainën, Izraelin dhe hebrenjtë në përgjithësi. Ato tregojnë se Rusia sot është plot urrejtje ndaj kombeve të tjera.
Është ky mesazhi i postuar në Twitter, nga kryediplomati ukrainas.
Gjithçka pasi kryediplomati rus ishte shprehur se “edhe Hitleri i kishte paraardhësit hebrenj”, referuar Presidentit ukrainas, Volodymyr Zelensky.
Më herët ministri i Jashtëm izraelit, thirri ambasadorin rus në Tel Aviv për “sqarime”, pas deklaratave që i quajti “të rënda” të ministrit të Jashtëm të Moskës, Sergei Lavrov.
Deklaratat e Lavrov janë sa të pafalshme edhe skandaloze, dhe një gabim i tmerrshëm historik. Hebrenjtë nuk vranë veten në Shoah. Niveli më i ulët i racizmit kundër hebrenjve është të akuzosh vetë hebrenjtë për antisemitizëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
