Kreu i milicisë më të madhe në Rio de Janeiro, Luis Antonio da Silva Braga, i njohur si “Zinho”, u dorëzua në policinë federale të dielën pas negociatave me autoritetet lokale.
Në arrati që nga viti 2018, i arrestuari konsiderohet udhëheqësi i grupit paraushtarak që kontrollon Zonën Perëndimore të qytetit brazilian.
Kapja e Zinhos ishte objektivi prioritar i guvernatorit të krahut të djathtë, Claudio Castro, i cili ndër vite ka adoptuar strategjinë e grushtit të hekurt kundër krimit të organizuar, duke shkuar deri aty sa ta cilësonte shefin e milicisë si “armiku numër 1”.
Milicitë janë një fenomen kriminal i përhapur në zona të ndryshme të Rios.
Bëhet fjalë për grupe paraushtarake, të përbëra nga oficerë policie dhe ish-oficerë të korruptuar, të cilët konkurrojnë me trafikantët e drogës për të ardhurat e zhvatjes dhe trafikut të drogës.
Në mes të tetorit të këtij viti, milicia e kontrolluar nga “Zinho” shkatërroi shërbimin e transportit publik në Zonën Perëndimore të Rios, duke rezultuar në shkatërrimin e rreth tridhjetë autobusëve dhe një treni pas vdekjes së nipit të tij, Matheus da Silva Rezende, i njohur si ‘Faustao’, gjatë një përplasjeje me policinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
