Një ngjarje e pazakontë vjen nga Brazili, ku një grua milionere akuzon shoferin e saj se e ka mbajtur peng për dhjetë vjet në shtëpinë e saj.
Historia e 88-vjeçares Regina Lemos Goncalves ka tronditur lagjen e shquar Copacabana të Rio de Zhaneiros.
Gruaja akuzon shoferin e saj Jose Marcos Chaves Ribeiro se e ka mbajtur mbyllur në shtëpi, duke bërë që të humbiste mbi 30 kilogramë dhe se kishte shpërdoruar asetet e saj të vlerësuara në miliona dollarë.
Fqinjët dhe miqtë e të moshuarës ishin shqetësuar pasi gruaja u zhduk nga jeta publike për një dekadë.
Kështu, një denoncim anonim çoi në zbulimin e një komploti që përfshin akuza për izolim, manipulim dhe një luftë të ashpër për pasuritë e tij, përfshirë bizhuteri shumë të shtrenjta.
Goncalves kishte marrë një trashëgimi prej 500 milionë dollarësh pas vdekjes së bashkëshortit të saj, Nestor Goncalves, pronar i Copag, një kompani e famshme braziliane e cila ka prodhuar letra të plastifikuara loje për poker dhe bridge që nga viti 1908.
Rasti i saj dramatik u zbulua pasi e moshuara arriti të arratisej dhe ia tregoi rrethanat e burgimit vëllait të saj të vetëm gjallë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
