Vendet myslimane anembanë botës duhet të ndërpresin marrëdhëniet ekonomike me Izraelin për të treguar mbështetje për popullin palestinez, ka thënë lideri suprem iranian, Ayatollah Ali Khamenei.
Khamenei po fliste në Konferencën e Unitetit Islamik në Teheran të shtunën. Ai akuzoi Izraelin për kryerjen e krimeve në fushatën e tij ushtarake gati njëvjeçare kundër Hamasit në Gaza. Më shumë se 41,000 palestinezë janë vrarë në konflikt deri më sot, sipas shifrave të fundit nga Ministria e Shëndetësisë e enklavës.
"Sot, regjimi sionist kryen pa turp krime, të cilat nuk i fsheh, në Gaza, Bregun Perëndimor, Liban dhe Siri", citohet të ketë shkruajtur Khamenei në një postim në rrjetin "X".
Ai i bëri thirrje botës myslimane të ndërpresë lidhjet me Jerusalemin Perëndimor.
“Sot, hapi i parë për rritjen e unitetit të botës islame kundër kësaj bande kriminale, terroriste, që ka uzurpuar tokën e Palestinës është që vendet islamike t'i ndërpresin plotësisht lidhjet ekonomike me të. Kjo është më e pakta që mund të bëhet”, tha Khamenei.
Tensionet midis Izraelit dhe vendeve fqinje myslimane janë rritur gjatë operacionit ushtarak të shtetit hebre në Gaza. Fushata izraelite ishte një përgjigje ndaj sulmeve të Hamasit më 7 tetor 2023, kur grupi militant sulmoi Izraelin jugor, duke vrarë rreth 1100 njerëz dhe duke marrë më shumë se 200 pengje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
