Shtëpia e Bardhë u jep agjencive federale 30 ditë kohë për të fshirë TikTok nga të gjitha pajisjet

Agjencitë federale amerikane do të duhet të heqin nga pajisjet e tyre aplikacionin TikTok brenda 30 ditëve.

Kështu bëri me dije zyra e Menaxhimit dhe Buxhetit të Shtëpisë së Bardhë.

Në pronësi të kompanisë kineze ByteDance, TikTok është vënë në shënjestër të ligjvënësve amerikanë, të cilët e konsiderojnë aplikacionin një kërcënim për sigurinë kombëtare dhe e kishin ndaluar përdorimin e tij në pajisjet e punonjësve të qeverisë në një ligj të miratuar në fund të dhjetorit.

Administrata Biden ka investuar në mbrojtjen e infrastrukturës sonë dixhitale. Vendosja e kohës është pjesë e angazhimit të administratës për të mbrojtur sigurinë dhe privatësinë e amerikanëve.

Ndërkohë, qeveria kanadeze ka njoftuar se duke filluar nga dita e sotme TikTok do të ndalohet në pajisjet celulare që ofron për stafin e saj, duke nënvizuar një nivel të papranueshëm rreziku për privatësinë dhe sigurinë.