Baku: Sportistët janë kthyer në lypsarë, zbatoni ligjin e basteve për t’i mbështetur

<p>Gazetari Ervin Baku foli në “Mcn Informacion” për eventin gala ku u ndanë çmimet për “Më të mirët e 2024” si dhe kombëtaren shqiptare të futbollit.</p> <blockquote> <p><em>Në përgjithësi jam dakord me çmimet e ndara, të merituara. Te formacioni i vitit do të vendosja Tedi Carën, për të tjerat isha shumë në rregull, ku formacioni i vitit dominohej nga futbollistë të Egnatias. ‘Topi i Artë’ shumë i merituar për Bekim Balajn, që është një shembull për fëmijët në Shqipëri. Ne presim që një seleksionues të zgjedhë më të mirët. Kam besim, grupi është shumë i vështirë. E nisim në Londër kundër Anglisë. Silvinjo duhet t'i kthej sytë edhe te lojtarë të tjerë, e kam për Rocco Vatën, Grudën, Shpendi në Serinë B, dhe Uzuni të jetë titullar i padiskutueshëm</em>.</p> </blockquote> <p>Baku tha se pret shumë nga Kombëtarja.</p> <blockquote> <p><em>Presim rezultate të mira nga kombëtarja. Kemi besim. Unë dua si gazetar dhe tifoz që Uzuni të jetë pjesë e skuadrës. Së bashku me Brojën bëjnë një dyshe fantastike. </em></p> </blockquote> <p>Duke u ndalur te Kampionati, Baku tha se katër janë skuadrat që kanë potencial.</p> <blockquote> <p><em>Kjo formulë e gabuar duhet të ndryshohet sa më shpejt. E shikoj të katërta të afta të fitojnë kampionatin. Prandaj kjo formulë që hedh në erë gjithë sezonin duhet të ndryshojë. I shikoj të katërta të afta që potencialisht të fitojnë kampionatin. Si i lindur dhe rritur në Tiranë, dua që Tirana të jetë më e mira. </em></p> </blockquote> <p>Ndërsa në lidhje me financimin e sportit, ai tha se janë dy ligjet që mund t’i japin atij oksigjen.</p> <blockquote> <p><em>Vullnet nuk ka fare, ka vetëm propagandë. Është turp i madh, sportistët janë kthyer në lypsarë. Nuk e di pse nuk legalizohen bastet sportive. Bastet nuk u mbyllën kurrë. Është turp që nuk legalizohet dhe sporti të përfitojë financiarisht. Janë dy pika që duhet të bëhen sa më shpejt: ligji i sponsorizimit, që do t’i jepte oksigjen sportit, dhe legalizimi i basteve, që një pjesë t’i shkojë sportit. Të bëhet sic ka qenë. Ligji ishte shumë i mirë, pse e ndryshuan? </em></p> </blockquote> <iframe width="560" height="315" src="https://www.youtube.com/embed/4FE4ZcIOZBk?si=6_ytHMln5gWb3qv5" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>