FBI ka sekuestruar dokumente sekrete në lidhje me mbrojtjen bërthamore të një vendi të huaj gjatë kontrollit të rezidencës së ish-presidentit amerikan Donald Trump në Mar-a-Lago muajin e kaluar.
Lajmi është raportuar nga Washington Post duke cituar burime të informuara. Sipas burimeve, dokumentet janë aq sekrete sa që vetëm presidenti, disa anëtarë të kabinetit të tij ose zyrtarë të kabinetit të nivelit të ardhshëm mund të kishin autorizuar zyrtarë të tjerë qeveritarë për t'i parë ato.
Trump dhe aleatët e tij argumentuan, se dokumentet e sekuestruara nga FBI ishin të padëmshme dhe ishin të destinuara vetëm për t'u përdorur në një bibliotekë presidenciale ose një projekt tjetër.
Menjëherë pas bastisjes së FBI-së në Mar-a-Lago më 8 gusht, Trump mohoi se ndonjë informacion mbi armët bërthamore ishte në mesin e dokumenteve të gjetura në rezidencën e tij dhe i quajti pretendimet një mashtrim.
Ai sugjeroi gjithashtu se vetë FBI i kishte vendosur dokumentet në shtëpinë e tij, vetëm për të pranuar praninë e tyre, duke pretenduar se i kishte "deklasifikuar" personalisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
