Vendimi i Apelit të GJKKO për dënimin e ish-ministrit Saimir Tahiri me 3 vite dhe 4 muaj burgim, për analistin Ilir Kalemanj, i ftuar në studion e lajmeve në MCN TV, është një kosto e madhe për politikën në vend.
“Padyshim që është një kosto e madhe për politike. Rama duhej të mbronte reformën, apo te vijonte të ishte ne një linjë me atë që kishte thënë dikur për një nga ish-ministrat e tij më të mirë.
Ndërkohë ende në Shqipëri ndonëse kemi një kuadër ligjor, pjesë e konventave ndërkombëtare, nuk kemi mbështetje për implementim e tyre, p.sh., me zë e figurë, nuk mund të provojmë lidhjen e një ministri me trafikun e drogës, dhe të dokumentohet me fakte.
Për Kalemaj, vet ish-ministri Tahiri, bëri autogol, duke dashur të kthejnë çështjen ne rekurs, nga “shërbimi në provë”, pësoi me burgim.
“Tahiri bëri autogol, fillimisht u dha masa me shërbim prove, dhe tashmë ato u konvertuan në burg, Tahiri guxoi duke e kthyer çështjen ne rekurs, por në fund edhe e pësoi vet.
Karriera politike e Tahirit, edhe sikur të fitonte çështjen në gjykim, ka mbaruar dhe vështirë të ngjallej më. Tahiri, fatmirësisht ose fatkeqësisht, ishte nën pengesë për shumëçka, e cila u hoq nga politika në mënyrë definitive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
