Ministri i Jashtëm i Rusisë thotë se Moska është e gatshme të ndihmojë në lehtësimin e tensioneve në lidhje me shpimet që po bën Turqia në Mesdheun Lindor.
Sergej Lavrov thotë se Moska po monitoron situatën në rajon dhe do të ndihmonte fillimin e një "dialogu të mirëfilltë" me të gjitha palët që do të gjeneronin "zgjidhje të pranueshme nga të dyja palët".
Lavrov foli të martën pas një takimi me presidentin qipriot, Nicos Anastasiades, gjatë një vizite zyrtare në Qipro.
Greqia dhe Turqia janë në një ngërç të tensionuar javët e fundit, për shkak se anijet turke të shpimit vazhdojnë të kërkojnë gaz në ujërat ku Greqia dhe Qiproja pretendojnë të drejta ekskluzive ekonomike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
