Raketat kanë goditur një treg në kryeqytetin e Sudanit, Khartoum, duke vrarë 18 persona dhe duke lënë më shumë se 100 të plagosur.
Kjo ngjarje e çon numrin e vdekjeve të civilëve gjatë shtatë javëve në të paktën 883, sipas shifrave zyrtare, megjithëse numri real ka të ngjarë të jetë shumë më i lartë.
Organizatat, të cilat kanë ndihmuar banorët e Khartoum-it të marrin ushqim dhe ilaçe, e përshkruan ngjarjen si një situatë katastrofike dhe apeluan për mjekë dhe dhurime gjaku.
Të martën, ushtria dhe rivalët e saj nga Forcat e Mbështetjes së Shpejtë kishin rënë dakord të zgjasin marrëveshjen e armëpushimit humanitar të javës së kaluar për pesë ditë të tjera, në bisedimet e ndërmjetësuara nga SHBA dhe Arabia Saudite.
Por të nesërmen ushtria u tërhoq nga bisedimet, duke pretenduar se Forcat e Mbështetjes së Shpejtë nuk ishin të përkushtuara ndaj kushteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
