Vendimi për gazetarin Elton Qyno, Çipa: Një nga aktet themelore për nga pesha në demokracinë e vendit

<p>Gjykata Kushtetuese rrëzoi SPAK-un për rastin e gazetarit Elton Qyno. Me një vendim unanim, 8 me 0, Kushtetuesja ka vendosur shfuqizimin e vendimeve të gjykatave për sekuestrot e materialeve të gazetarit Qyno dhe në fund asgjësimin e tyre. Sekuestro e materialeve të Qynos erdhi me urdhër të SPAK, pasi e akuzuan gazetarin se ka nxjerrë komunikime të SkyECC nga një prej fraksioneve të dosjes “Metamorfoza”, që sipas Prokurorisë së Posaçme përputheshin me komunikimet e Nuredin Dumanit me persona të tjerë.</p> <p><a href="https://www.fibank.al/individe/kredi/kredi-konsumatore/kredi-konsumatore-premium" rel="noopener noreferrer" target="_blank"><img alt="Fibank" height="100" loading="lazy" src="https://www.mcntv.al/sites/default/files/fibankv1.gif" width="300"></a>Aleksandër Çipa, kreu i Unionit të Gazetarëve, e cilësoi këtë vendim një nga aktet themelore për nga pesha. Sipas tiju, ky vendim sanksionon për së dyti atë që është përcaktuar qartë në Kushtetutë: lirinë e pakufizuar të gazetarit. &nbsp;</p> <blockquote> <p><em>Është një vendim i rëndësishëm që rikthen në gravitetin funksional misionin e pavarësisë së gazetarit. Akti i sekuestrimit të mjeteve të gazetarit nga SPAK është i paprecedentë. Vëmendja e komunitetit të gazetarëve nuk ishte e maksimalizuar, por organizatat ndërkombëtare e ushtruan autoritetin duke sjellë në vëmendje rastet homologe në rajon. Vendimi i djeshëm jo vetëm që është i drejtë por është një nga aktet themelore për nga pesha në demokracinë e vendit. E cilësoj në të njëjtin nivel me çështjen detare në Shqipëri. Ky vendim rivendikon një të drejtë që është sanksionuar në Kushtetutë, që liria e gazetarit është e pakufizuar. </em></p> </blockquote> <p>&nbsp;</p>