Një aksident ka ndodhur mëngjesin e sotëm në dalje të urës së Selenicës, në rrugën e re, ku një mjet ka dalë nga rruga dhe është përplasur me betonet anësore.
Nga informacionet paraprake, mësohet se të dëmtuar kanë mbetur një çift bashkëshortësh (drejtuesi dhe pasagjeri).
Pas aksidentit, ambulanca ka mbërritur në vendngjarje dhe ka nxjerrë të lënduarit nga automjeti.
Ata janë transportuar menjëherë në spitalin e Korçës, ku raportohet se janë jashtë rrezikut për jetën.
Ersekë/Informacion paraprak
Në aksin rrugor "Ersekë-Korçë", shtetasi E. I., duke drejtuar automjetin, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga.
Nga aksidenti janë dëmtuar shtetasi E. I. dhe bashkëshortja e tij pasagjere në automjet, shtetasja Xh.I., të cilët po marrin mjekim në spitalin e Korçës.
Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
