Deputeti Ben Blushi thotë se nëse KQZ vendos të shtyjë afatin e regjistrimit të koalicioneve për zgjedhjet e 18 qershorit, atëherë partia e tij do ta ankimojë vendimin në Kolegjin Zgjedhor. Në një postim në “Facebook”, Blushi shprehet se një vendim i tillë do të ishte në shkelje të Kodit Zgjedhor, i cili duhet mbrojtur për të mbrojtur zgjedhjet.
LIBRA NË KOLEGJ, NËSE KQZ ÇMENDET
Shpresoj që të mos ndodhë, por nëse KQZ e ndryshon afatin ligjor të regjistrimit të koalicioneve, atëherë LIBRA do shkojë në Kolegjin Zgjedhor për ta kundërshtuar ligjërisht. Duhet mbrojtur ligji që të mbrohen zgjedhjet. Nëse dikush çmendet e çojnë në spital, por nëse një institucion çmendet duhet çuar në gjykatë!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
