Kreu i grupit parlamentar demokrat, Enkelejd Alibeaj djegien e raundit të tretë për zgjedhjen e Presidentit, e cilëson si humbjen e mundësisë që vendi të ketë një President dinjitoz.
Duke folur për mediat në ambientet e jashtme të Parlamentit, tha se në momentin që opozita ofroi rregullat që u pranuan, Edi Rama u tërhoq.
Për shkak të ndryshimeve të vitit 2008 Presidenti zgjidhet me 71 vota. Humbëm një rast për ti dhënë Shqipërisë një institucion që do duhet të kishte legjitimitetin e palëve, që më vonë përballë sfidave, të qëndronte në mënyrë serioze në lartësinë e detyrës.
Nëse do ecnim me kandidatura të njëanshme tonat përsëri do ishte President i njëanshëm, ja pse në dokumentet tona qëllimi nuk ishte për të ecur me axhendë individuale, por të përbashkët.
Dokumenti ynë e qartësonte që do ishte proces i përbashkët e do finalizohej që ajo siluetë politike që do identifikohen si konsensuale.
Sipas tij, opozita nuk është me idenë e një Presidenti tangoje, por për të pasur President të gjithë shqiptarëve.
Lidhur me pjesëmarrjen në proces, ai e cilësoi si mënyrë për t’i grisur maskën e hipokrizisë Edi Ramës dhe Partisë Socialiste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
