Operacioni te rruga “5 maji” në Tiranë, nuk ka të plagosur
Tre të rinj u arrestuan sot me 700 gramë kokainë, ndërsa mes trafikantëve dhe policisë ka pasur shkëmbim zjarri. Nga burimet e policisë mësohet se specialistët e Antidrogës në Drejtorinë Vendore të Policisë së Tiranës, në bashkëpunim me forcën e Posaçme Operacionale të Drejtorisë së Tiranës dhe skuadra “Shqiponjat”, zhvilluan një operacion.
Operacioni është zhvilluar në rrugën “5 maji” në Tiranë dhe policia thotë se janë ndaluar tre shtetas. “Për momentin nga kontrolli i ushtruar janë gjetur dhe sekuestruar rreth 700 gr kokainë dhe një armë zjarri”-thotë policia, ndërsa nga shkëmbimi i zjarrit nuk ka pasur të lënduar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
