Bashkëpunëtorët e Oliver Ivanoviçit dhe politikanë serbë në Kosovë apo Beograd e kanë përjashtuar opsionin që vrasja është kryer nga shqiptarët. Në një përgjim, dallohet pjesa kur ata dyshojnë se vrasjen e ka kryer mafia serbe.
Në përgjimin e një telefonate mes një kryetari të një partie në Beograd dhe një asamblisti serb në veri të Mitrovicës, dallohet pjesa kur njëri prej tyre i përjashton shqiptarët përsa i përket vrasjes së Oliver Ivanoviçit, liderit serb në Kosovë.
Insajderi publikon bisedën e tyre telefonike, pikërisht ditën e vrasjes ku Nikola Sanduloviç, kryetar i Partisë Republikane e kishte këshilluar Ivanoviçin që të kërkonte mbrojtje në Prishtinë. Por, këtë këshillë Ivanoviç e kishte shpërfillur.
Tre muaj më vonë, ai u ekzekutua me gjashtë plumba para selisë së partisë së tij në veri të Mitrovicës. Në bisedë thuhet se vrasjen e ka kryer mafia në krye me Milan Radojiçiç, mik i afërm i kriminelit Zvonko Veselinoviç. Organizator i vrasjes, sipas tij, është shteti i Serbisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
