Zëdhënësi i BE, Peter Stano, ka deklaruar se Kosova rrezikon rrugëtimin europian nëse nuk e themelon Asociacionin e komunave me shumicë serbe.
“Mosthemelimi i Asociacionit të komunave me shumicë serbe nuk do të shihet si sinjal pozitiv se Kosova dëshiron të lëvizë në rrugën drejt normalizimit të marrëdhënieve, që tash është i lidhur me përparimin e Kosovës në rrugën drejt BE-së”, tha Stano.
Kryeministri Albin Kurti ka thënë se është i gatshëm ta pranojë Asociacionin, por duke kushtëzuar me nënshkrim të Marrëveshjes së Brukselit, të Ohrit dhe të draftit.
Zotimi për formimin e Asociacionit buroi nga marrëveshja e vitit 2013 dhe më pas e 2015-s mbi parimet për themelimin e tij.
Gjykata Kushtetuese vendosi në 2015-ën se marrëveshja s’është në harmoni të plotë me Kushtetutën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
