Në përgjigje të ekzekutimit të disidentit gjermano-iranian Djamshid Sharmahd, qeveria gjermane ka vendosur mbylljen e tre konsullatave të përgjithshme të Iranit në Gjermani.
Sipas asaj që u komunikua nga Ministria e Jashtme gjermane, bëhet fjalë për përfaqësitë diplomatike të Frankfurtit të Main, Hamburgut dhe Mynihut, ndërsa ambasada në Berlin do të qëndrojë e hapur.
Gjermania e kishte paralajmëruar vazhdimisht Iranin se ekzekutimi i një shtetasi gjerman do të kishte pasoja të rënda.
Kështu deklaroi ministrja e Jashtme gjermane Annalena Baerbock.
Regjimi iranian ishte më se i vetëdijshëm se sa qendrore ishin rastet e ndalimit të shtetasve gjermanë për qeverinë tonë.
Ata ishin një pjesë qendrore e bisedimeve të mia me Ministrin e Jashtëm iranian Abbas Araghchi në Nju Jork një muaj më parë.
Fakti që vrasja ndodhi në dritën e zhvillimeve të fundit në Lindjen e Mesme tregon se një regjim diktatorial si ai i mullahëve nuk vepron sipas logjikës normale diplomatike.
Mbyllja do të prekë 32 anëtarë të stafit konsullor, sipas një zyrtari nga Zyra e Jashtme në Berlin.
Megjithatë ambasada iraniane në Berlin, do të mbetet e hapur, ashtu si dhe ambasada gjermane në Teheran.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
