Një ditë pas sulmit kundër kanalit të ujit të Ibër-Lepencit në veri të vendit, presidentja Vjosa Osmani ka zhvilluar një takim me ambasadorët e vendeve të QUINT-it dhe ambasadorin e BE-së.
Në deklaratën për shtyp nga Presidenca bëhet me dije se Osmani theksoi në takim sulm kundër kanalit të ujit ishte një sulm terrorist ndaj infrastrukturës jetike të Kosovës, i cili e cenon sigurinë kombëtare të Kosovës.
Në takim u diskutua për reagimin e institucioneve përgjegjëse karshi kësaj situate, me ç’ rast si presidentja Osmani, sikurse edhe ambasadorët kanë bërë vlerësimin më të lartë për menaxhimin dhe punën e bërë.
Po ashtu Osmani gjatë këtij takimi i bëri thirrje bashkësisë ndërkombëtare që ta dënojë këtë sulm terrorist dhe të qëndrojë e bashkuar kundër çdo përpjekjeje për të minuar paqen dhe sigurinë në Kosovë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
