Kryetari i Këshillit të Qarkut Kukës Abdullah Domi tha se në Qarkun e Kukësit nuk ka akse të pakalueshme si pasojë e reshjeve të dëborë dhe as shkarjes së tokës për shkak të shiut.
Në një intervistë Skype për edicionin e lajmeve të MCN TV, Domi theksoi se të gjithë kanë marrë masat e duhura që çdo aks të jetë i hapur.
Intervista:
Z. Domi, a ka akse të pakalueshme si pasojë e reshjeve dhe shkarjes së tokës?
Domi: Jo, nga informacionet që ka komisioni i mbrojtjes civile jo. Reshjet e ditëve të fundit i lanë vendin borës, por këto reshje e kanë rikthyer në normalitet këtë situatë. Rrugët nuk kanë qenë të bllokuara, por përqëndrimi është tek rrugët rurale.
Sakaq meteorologët parashikoj përkeqësim te motit dhe vijimin e reshjeve me intesnitet të lartë. A ka marrë masa paraprake Bashkia, ARRSH por edhe firmat kontraktore që kanë marrë përsipër mirëmbajtjen e rrugëve?
Domi: Kemi informacionin e duhur dhe të gjithë kanë marrë masat e duhura që çdo aks të jetë i hapur dhe firmat po bëjnë gjënë e duhur në këtë drejtim.
Kukësi ka 2 pika doganore dhe qarkullimi i mjeteve drejt tyre është i lartë. Çfarë masash janë marrë për të mos krijuar radhë pritjeje si pasojë e bllokimeve nga mot i keq?
Domi: Informacionet na tregojnë se ka fluks normal. Në prag festash fluksi shtohet por drejtoria e emigracionit ka bërë që situata të jetë normale.
Ka zona me ndërprerje të energjisë elektrike?
Domi: Fatmirësisht deri tani jo, nga informacionet që kemi. Gatishmëria e OSHEE ka qenë e madhe pavarësisht problematikave që mund të kemi pasur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
