Luteshin, arrestohen 5 persona të krishterë në Korenë e Veriut

Autoritetet e Koresë së Veriut kanë arrestuar pesë persona të krishterë, të akuzuar se kanë promovuar një funksion fetar klandestin.

Kjo është një akuzë që përfshin dërgimin në kampet e punës. Historia daton në 30 prill dhe ka ndodhur në fshatin Tongam, në periferi të Sunchin, në provincën e Pyongan, në qendër të vendit.

Të pestë të cilët i përkisnin një familje të vetme u takuan të dielën në mëngjes, siç bënin çdo fundjavë, në një shtëpi në fermë për t’u lutur dhe për të thelluar leximin e disa pjesëve nga Bibla. Mirëpo, disa punonjës policie i kanë pritur të cilët i kanë arrestuar pas denoncimit të një informatori.

Në vendin ku mbahej lutja, policia sekuestroi dhjetëra broshura biblike dhe arrestoi të gjithë të pranishmit. Të pestë po luteshin dhe lexonin Biblën mes tyre, dhe po thërrisnin Jezusin, kur u arrestuan.

Persekutimi i të krishterëve në Korenë e Veriut

Bastisje të ngjashme kanë ndodhur në të kaluarën në fshatin Tongam, veçanërisht në vitin 2005 dhe, madje edhe më herët, në 1997 gjatë diktaturës së Kim Jong-il, babait të liderit aktual Kim Jong-un dhe që pasoi vdekjen e themelues, “presidenti i përjetshëm” Kim Il-sung. Për më tepër, zona ka pasur gjithmonë lidhje të thella me krishterimin dhe dikur ishte vendi i një ndërtese të madhe kishtare, e cila i mbijetoi pushtimit japonez në vitet e para të shekullit të kaluar, gjë që çoi në prezantimin e Shintoizmit si fe shtetërore.

Koreja e Veriut është e njohur për ekzekutimin, torturimin dhe abuzimin fizik të njerëzve për besimin ose aktivitetet e tyre fetare dhe është një nga 17 vendet e përfshira në shkelje “sistematike, të vazhdueshme dhe serioze” të adhurimit sipas raportit të Komisionit Amerikan të vitit 2023 për lirinë fetare.

Bibla ose materiale të tjera fetare kontrabandohen në mënyrë të fshehtë përtej kufirit kinez dhe u shpërndahen kishave të nëndheshme përmes një rrjeti sekret.