Kortoçi: Skema e re e pensioneve, domosdoshmëri. Është ulur numri i kontribuesve dhe është rritur informaliteti
Ekspertja e ekonomisë Teuta Nunaj Kortoçi tha në studion e emisionit “MCN Economy” se ndryshimi i skemës së pensioneve është një domosdoshmëri.
Sipas Kortoçit, skema e re është e nevojshme jo vetëm për faktin që reforma e 2015 nuk arriti objektivat e saj, por edhe për shkak të ndryshimeve demografike dhe informalitetit.
Është bërë domosdoshmëri ndryshimi i skemës aktuale të pensioneve, jo vetëm për faktin se reforma e 2015 nuk arriti të plotësonte të gjitha objektivat, apo zgjidhte të gjitha problematikat që kishte skema e mëparshme, por edhe për faktin që në një dekadë, kemi ndryshime të vazhdueshme, jo vetëm në aspektin demografik, pra që kemi largimin e një numri shumë të madh të shqiptarëve që e kanë zvogëluar numrin e kontribuuesve në skemën e pensioneve, por edhe për faktin sepse kemi vijueshmëri të informalitetit, si të informalitetit të plotë të pagave, po ashtu edhe informaliteti të pjesshëm të pagave.
Informaliteti e dëmton dy herë skemën e pensioneve. Informalitet do të thotë që ai punonjës nuk regjistrohet si i punësuar dhe nuk derdh asnjë kontribut. E ardhura e tij mbi këtë skemë është zëroi. E dyta informaliteti i pjesshëm. E ka deklaruar punonjësin si kontribuuesin, por vlera që derdh ai është minimale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
