Detaje të reja kanë dalë për Arlen Hasanajn i arrestuar mbrëmë si autor i dyshuar i vendosjes së lëndës eksplozive një natë më parë në shtëpinë e kreut të FSHF-së, Armand Duka.
34-vjeçari, Hasanaj është banor i lagjes nr.4 të qytetit bregdetar, ku banon edhe kreu i FSHF-së.
Mësohet se Hasanaj ka në pronësi një biznes bar kafe dhe market, Euroshop.
Në identifikimin dhe kapjen e autorit te dyshuar të ngjarjes së rëndë që tronditi qytetin e Durrësit kanë ndihmuar kamerat e sigurisë, të cilat kanë kapur lëvizjet e autorit para, gjatë dhe pas vendosjes së eksplozivit.
Mbrëmjen e 24 janarit, qyteti i Durrësit u trondit, pasi një shpërthimi me lëndë plasëse (tritol) pranë shtëpisë së presidentit të FSHF-së.
Sipas njoftimit të policisë, pati vetëm dëme të vogla materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
