Asgjësohen 2449 bimë kanabisi në Shkodër

Policia ka zbuluar dhe asgjësuar 2449 bimë kanabisi në qakun e Shkodrës.

Bëhet me dije se 606 bimë janë asgjësuar në territorin e njësive administrative Pult, Shalë dhe Postribë, ndërsa 531 bimë në territorin e njësisë administrative Shkrel. Po ashtu shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1312 bimë kanabisi.

Qarku Shkodër/Megaoperacioni policor anticannabis “Territor i pastër”, asgjësohen 2449 bimë kanabisi.

Në kuadër të këtij megaoperacioni që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut. Gjatë kësaj faze të megaoperacionit:

-shërbimet e Komisariatit të Policisë Shkodër gjetën në territorin e njësive administrative Pult, Shalë dhe Postribë, dhe asgjësuan 606 bimë cannabisi;

-shërbimet e Komisariatit të Policisë Malësi e Madhe gjetën në territorin e njësisë administrative Shkrel dhe asgjësuan 531 bimë kanabisi;

-shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1312 bimë kanabisi.

Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike. 

Kontrollet vijojnë.