Një person i seksit mashkull, ende i paidentifikuar është përplasur për vdekje mbrëmjen e sotme në by-passin Plug- Savër në Lushnjë.
Nga të dhënat paraprake raportohet se viktima ka dashur të kalojë nga njëra anë e autostradës në tjetrën dhe është përplasur nga një mjet që kalonte.
Policia njofton se:
Më datë 29.10.2023, në aksin rrugor Plug-Savër, shtetasja A. J., 28 vjeçe, duke drejtuar automjetin tip “Toyota”, ka askidentuar një shtetas ende të paidentifikuar, rreth 65 vjeç, i cili si pasojë ka ndërruar jetë në vendngjarje.
Drejtueses së automjetit i është bërë testi i alkoolit dhe ka rezultuar që nuk kishte konsumuar pije alkoolike.
Grupi hetimor nën drejtimin e Prokurorisë po punon për sqarimin e rrethanave të aksidentit, si dhe identifikimin e 65-vjeçarit që humbi jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
