Numri i personave që kanë humbur jetën që prej fillimit të pandemisë ka kaluar në mbi 3 milionë. Në këtë përfundim del Universiteti John Hopkins, që merret me të dhënat e koronavirusit.
Kjo shifër e frikshme vjen një ditë pasi kreu i Organizatës Botërore të Shëndetësisë paralajmëroi se bota "po i afrohej shkallës më të lartë të infeksionit" deri më tani.
India, e cila është duke kaluar një valë të dytë të pandemisë, rregjistroi këtë të shtunë më shumë se 230 mijë raste të reja.
Shefi i OBSH-së Tedros Adhanom Ghebreyesus paralajmëroi të premten se "rastet dhe vdekjet po vazhdojnë të rriten me ritme shqetësuese".
Ai shtoi se "globalisht, numri i rasteve të reja në javë është gati dyfishuar gjatë dy muajve të fundit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
